Pwy Ydyn Ni

Aelodaeth

Mae Awdurdod Heddlu Dyfed-Powys yn cynnwys pedwar ar bymtheg o aelodau, deg Cynghorydd a naw aelod Annibynnol. I weld pwy eich Aelod Awdurdod Heddlu lleol chi, cliciwch yma.

Gellir cael rhagor o wybodaeth ynghylch sut y mae Aelodau’n cael eu penodi i’r Awdurdod yma.

Swyddogaethau a chyfrifoldebau

Tair swyddogaeth Awdurdod yr Heddlu yw:

• Sicrhau Gwasanaeth Heddlu effeithlon ac effeithiol (Adran 6, Deddf Heddlu 1996).
• Sicrhau Gwerth Gorau, h.y. gwelliannau parhaus yn y ffordd y mae (ei swyddogaethau) yn cael eu gweithredu gan roi sylw i gynildeb, effeithlonrwydd ac effeithiolrwydd (Adran 3, Deddf Llywodraeth Leol 1999).
• Gwneud trefniadau i gael:
  • Barn pobl leol ynghylch plismona’u hardal; a
  • Chydweithrediad pobl leol wrth atal trosedd.

Mae gan yr Awdurdod amrediad llawn o ddyletswyddau statudol sy’n sail i’r swyddogaethau hyn. Am wybodaeth fanylach mewn perthynas â’r rhain, cliciwch yma.

Pwyllgorau

Mae Awdurdod yr Heddlu’n cyflawni ei ddyletswyddau drwy nifer o Bwyllgorau ac Is-bwyllgorau sydd wedi’u rhannu’n bennaf yn ffrydiau gwaith e.e. Safonau, Archwilio ac Adolygu, Ymgysylltu â’r Gymuned ac Adnoddau Dynol ayyb. Mae Aelodau’r Awdurdod yn herio ac yn craffu ar berfformiad a gweithredoedd yr Heddlu drwy ei strwythur Pwyllgor.

Dangosir Strwythur Pwyllgor yr Awdurdod Isod.

Am ragor o wybodaeth ynghylch cylch gorchwyl pob Pwyllgor, cliciwch yma.

Ysgrifenyddiaeth

Cefnogir Awdurdod Heddlu Dyfed-Powys gan dîm bychan o swyddogion. Arweinir y tîm gan y Prif Weithredwr, Mr Keith Reeves, LLB (Anrh) LLM.

Mae gan swyddogion eu maes arbenigol eu hunain, ac yn cynghori a chefnogi Aelodau mewn meysydd megis ymgysylltu â’r gymuned, perfformiad a chwynion.

Yn ogystal, mae’r Ysgrifenyddiaeth yn gyfrifol am weinyddu holl Gynlluniau a chyfarfodydd yr Awdurdod, a sicrhau bod gan Aelodau’r wybodaeth ddiweddaraf ynghylch unrhyw bolisïau neu newidiadau ar lefel leol, lefel ranbarthol neu ar lefel genedlaethol.

I weld swyddogaethau a chyfrifoldebau staff yr Ysgrifenyddiaeth, cliciwch yma.

Gwirfoddolwyr

Fel rhan o’i rôl monitro, mae Awdurdod yr Heddlu’n gweithredu dau gynllun Ymwelwyr Gwirfoddol, sef y Cynllun Ymwelwyr Annibynnol â’r Ddalfa a’r Cynllun Lles Anifeiliaid. I gael gwybod mwy am ein cynlluniau gwirfoddoli, cliciwch yma.

Mae’r Awdurdod hefyd yn rheoli Grŵp Ymgynghorol Annibynnol ar y cyd â’r Heddlu. I gael gwybod mwy am rôl y Grŵp Ymgynghorol Annibynnol, cliciwch yma.