Llythyr Archwilio Blynyddol

Crynodeb

O’m gwaith archwilio ariannol, rwyf wedi dod i’r casgliad bod adnoddau’r Awdurdod, ym mhob ffordd berthnasol, wedi’u defnyddio’n gywir a rhoddwyd cyfrif priodol amdanynt yn 2008-09:

• cafodd cyfrifon yr Awdurdod ar gyfer 2008-09 eu paratoi’n briodol ac roeddent yn gywir ym mhob ffordd perthnasol;
• cyflawnodd yr Awdurdod ei dargedau ariannol allweddol ar gyfer 2008-09;
• mae gan yr Awdurdod drefniadau rheoli ariannol effeithiol;
• ac mae systemau ariannol pwysig yr Awdurdod yn addas at y diben.

Mae gan yr Awdurdod drefniadau corfforaethol priodol ar waith i ddefnydd adnoddau’n effeithiol:

• mae gan yr Awdurdod drefniadau priodol yn eu lle yn 2008-09 i’w helpu i sicrhau darbodusrwydd, effeithlonrwydd ac effeithiolrwydd yn y defnydd o adnoddau;
• mae’r Awdurdod yn parhau i berfformio’n dda, gan arddangos trefniadau effeithiol o ran rheoli ei adnoddau;
• ac mae gwaith archwilio perfformiad yn cefnogi fy nghasgliad ynghylch y trefniadau i sicrhau gwasanaethau darbodus, effeithiol ac effeithlon.