Cynllun Lwfansau a Threuliau'r Aelodau

Crynodeb

Mae’r Cynllun yn darparu ar gyfer talu:-

• Lwfans Sylfaenol (BA), sy’n daladwy i bob Aelod o Awdurdod yr Heddlu;
• Lwfans Cyfrifoldeb Arbennig (SRA) ar gyfer Aelodau Awdurdod yr Heddlu sy’n cyflawni “dyletswyddau arbennig”, fel y’u diffinnir gan yr Awdurdod.
• Lwfans Amser Teithio (TTA) sy’n cymryd i ystyriaeth yr amser a dreulir gan Aelodau yn teithio rhwng eu cartref arferol a chyfarfodydd a drefnir gan yr Awdurdod neu gyfarfodydd yr awdurdodwyd nhw gan yr Awdurdod i’w mynychu.

Yn ogystal, telir lwfansau teithio a chynhaliaeth mewn perthynas â dyletswyddau awdurdodedig.  Gellir talu’r rhain i Aelodau’r Awdurdod ac i Aelodau Lleyg (nad ydynt yn Aelodau o’r Awdurdod) fel y’u diffinnir yn nes ymlaen yn y Cynllun hwn.