Penodi’r Awdurdod

Aelodaeth

Mae’r Awdurdod yn cynnwys pedwar ar bymtheg o aelodau, deg cynghorydd, tri Ustus a chwe aelod Annibynnol.

Penodir aelodau sy’n gynghorwyr o blith aelodau Cynghorau Sir Caerfyrddin, Ceredigion, Penfro a Phowys mewn modd sy’n gorfod adlewyrchu cydbwysedd gwleidyddol y pleidiau ar draws y cynghorau i gyd.

Cydbwyllgor o gynrychiolwyr y pedwar Cyngor Sir sy’n gwneud y penodiadau i Awdurdod yr Heddlu.

Aelodau Annibynnol

Mae’r broses ffurfiol ar gyfer penodi aelodau annibynnol wedi ei osod yn Neddf Plismona 1996 a rheoliadau cysylltiol.

Rhaid i hysbysebu penodiadau mewn o leiaf dau bapur newydd a ddosberthir yn yr ardal. Bydd ceisiadau’n cael eu hystyried yn gyntaf gan Banel Dethol yn cynnwys tri aelod:

Aelod o’r Awdurdod o blith yr aelodau sy’n gynghorwyr neu’n ynadon;
Unigolyn a benodir gan yr Ysgrifennydd Cartref, ar hyn o bryd Ms. Joanna Mussen; a
Trydydd unigolyn a ddewisir gan y ddau aelod arall.

Mae’r Panel Dethol yn llunio rhestr fer o bedair gwaith y nifer o safleoedd sydd i’w llenwi ac yn cyflwyno’r enwau i’r Ysgrifennydd Cartref. Mae’r Ysgrifennydd Cartref wedyn yn haneru’r nifer o enwau a gyflwynwyd ac mae’r aelodau’r Awdurdod sy’n Gynghorwyr neu’n Ynadon yn llunio’u detholiad terfynol o blith dewis yr Ysgrifennydd Cartref. Mae’r Awdurdod yn cyfweld yr ymgeiswyr terfynol.

Aelodau sy’n Ynadon

Mae’r broses ffurfiol ar gyfer penodi aelodau sy’n Ynadon Lleyg wedi ei osod yn Adran 3 Deddf Plismona 1996, ac a fewnosodwyd gan Ddeddf Llysoedd 2003.

Hysbysebir penodiadau i bob Ynad Lleyg yn ardal yr Awdurdod. Ystyrir ceisiadau’n gyntaf gan:

Aelod o’r Awdurdod o blith yr aelodau sy’n gynghorwyr neu’n aelodau unigol;
Unigolyn a benodir gan yr Ysgrifennydd Cartref, ar hyn o bryd Ms. Joanna Mussen; a
Trydydd unigolyn a ddewisir gan y ddau aelod arall.

Mae’r Panel Dethol yn llunio rhestr fer o ddwywaith y nifer o safleoedd sydd i’w llenwi ac yn cyflwyno’r enwau i’r aelodau’r Awdurdod sy’n Gynghorwyr neu’n Ynadon sy’n llunio’u detholiad terfynol. Mae’r Awdurdod yn cyfweld yr ymgeiswyr terfynol.