Amdanom Ni

Tair swyddogaeth allweddol Awdurdod yr Heddlu yw:

Sicrhau Gwasanaeth Heddlu effeithlon ac effeithiol (Adran 6, Deddf Heddlu 1996).
Sicrhau Gwerth Gorau, h.y. gwelliannau parhaus yn y ffordd y mae (ei swyddogaethau) yn cael eu gweithredu gan roi sylw i gynildeb, effeithlonrwydd ac effeithiolrwydd (Adran 3, Deddf Llywodraeth Leol 1999).
Gwneud trefniadau i gael:
- Barn pobl leol ynghylch plismona’u hardal; a
- Chydweithrediad pobl leol wrth atal trosedd.

Mae’r Awdurdod wedi ei lunio o 19 o bobl leol sy’n dal yr heddlu’n atebol ar ran cymunedau
Rydym yn ymgynghori â chymunedau lleol i ddarganfod beth rydych chi ei eisiau gan eich heddlu lleol
Ein gwaith ni yw sicrhau bod y Prif Gwnstabl yn darparu gwasanaeth heddlu sy’n cydbwyso blaenoriaethau strategol Prydeinig a phryderon y bobl leol
Rydym yn penodi, ac os oes angen, yn diswyddo prif gwnstabliaid ac uwch-swyddogion yr heddlu – a hefyd yn archwilio cwynion yn erbyn Heddlu Dyfed-Powys.

Rydym yn cyhoeddi cynllun blynyddol, yn seiliedig ar ymgynghoriad â phobl leol, gan nodi’r gwasanaethau y dylai’r heddlu eu darparu yn ystod y flwyddyn nesaf a’r targedau y dylai eu cyflawni
Rydym yn penodi gwirfoddolwyr o’r gymuned leol i archwilio lles pobl a gedwir yn y ddalfa a lles cŵn yr heddlu
Mae gennym gyfrifoldeb cyfreithiol i hyrwyddo cydraddoldebau a chysylltiadau da rhwng grwpiau gwahanol o bobl. Fel rhan o hyn rydym yn sicrhau bod pobl yn gwybod beth yw eu hawliau os ydynt yn cael eu stopio a’u harchwilio gan yr heddlu.
Ni sy’n dal cyllideb yr heddlu. Mae’r Awdurdod yn ymgynghori â’r bobl leol cyn gosod treth y cyngor er mwyn sicrhau eich bod yn cael gwerth am arian
Ni sy’n gosod cyfeiriad strategol plismona lleol er mwyn sicrhau bod pawb yn elwa o well gwasanaeth plismona
Rydym yn sicrhau bod gwasanaeth yr heddlu’n gwneud pob peth y gall i barhau i wella plismona ar gyfer eich cymuned chi